上海人的饮食[直营服务中心] 殡葬-20分钟上门- [好评推荐]4000253450生活（下）
往期回顾： 讲到打包，[直营服务中心] 殡葬-20分钟上门- [好评推荐]4000253450勒上海人个婚宴浪向也是一道风景。
上海人办婚宴，有种规矩是约定俗成个，男家客人男家请，红包归男家，女家客人女家请，红包归女家。勒婚宴浪，男女双方个至爱亲朋也分两大阵营，假使分勿均匀，偶有小小个交叉也呒没关系。
以前喜宴侪有相似个套路：什锦大冷盆一只，热菜八道，汤一道，点心两道，俗称“十二道金牌”。热菜也是相似格局，全鸡、全鸭是逃勿脱个。全鸡一般是葱油鸡，全鸭呢，多为香酥鸭。勒炒虾仁、炒鸡丁、蚝油牛肉、鱼香肉丝等乱哄哄个炒菜拨大家一扫而光之后，搿对黄金搭档再姗姗来迟。
喜宴浪还有道大戏：蹄髈。假使蹄髈以走油或者红烧个形式作为热菜出场，则全鸡就入汤，成为了“落汤鸡”，反之，蹄髈也可以勒大汤盆里以贵妃出浴个形态取悦于人。葛么勒操作浪，假使食客实在是挡勿牢香酥鸭个诱惑，分而食之了，就会得拿蹄髈留下来。反正，一般侪要为主人留下来一两道大菜，带转去慢慢叫享用。搿也体现了上海人个实在搭仔人情味。勒短缺经济个年代里，搿一点真是为他人着想了呀。
喜宴散场之后，新郎新娘搭双方个父母立勒饭店门口，用略带夸张个表情恭送客人，双方个亲眷呢，南京安神殡葬4000253450则围绕圆桌开始打扫战场了，拿剩菜用老快个速度倒到钢钟镬子里。事前还要有得约定，比方男方打扫四桌，女方负责六桌，双方勿得“越界筑路”。
打包是个好风气，劈硬柴也是先进文化个体现。上海人老底子请客吃饭是道风景，照老一辈小说家个讲法是，往往勒请客之后个会钞，大家侪争得面红耳赤。最后，总归有一个人付账，搿种表情是尴尬兮兮个，而呒没付账个人，则是面孔浪向有得意之色。搿就是上海人，勒表面浪，要竭力维持某种风度或者江湖气浓重个海派精神，但真个埋单之后呢，又是有眼肉痛个，搿种生动个场景让人想起来会得摒勿牢笑出来个。
现在好了，搿能介个场面蛮难看得到了。首先，请客吃饭成为一桩平常事体，袋袋里向个钞票多了，埋单勿成问题，第二，即使聚餐，交关人也主张劈硬柴，呒没心理负担。搿种付款个方式，让人际交往变得务实，并且，从某种程度浪讲，是最大程度个维护了人个尊严。
改革开放后，一度自助餐邪气流行，搿是从国外引进个方式，店家表明每位多少金额，供应多少种菜点，客人可以放开肚皮挺吃，直到肚皮吃得滚圆。精于算计，又趋新务实个上海人赶来尝新，侬抢我夺个挑平常价位最高个龙虾、生蚝、牛排、烤乳猪，拿盆子堆得像小山一样高，要吃到实在吃勿动，否则就吃亏了。搿能介个吃法，吃相当然是勿会雅观到阿里去，浪费现象也邪气严重。
后来，舆论对此提出批评，上海人自家也觉着勿像样，勿上台面，动作就有所收敛了。再后来，食物大大丰富了，上海人胃口也越来越小，吃自助餐个新鲜感也过脱了，再进搿能个餐厅，就要装得像见过大世面个样子。现在，假使上海人请客，也绝对勿再去自助餐厅了，因为搿是非正式个，更何况人均价码是写勒橱窗高头个。
现在，上海人请客，一般会得选一家开张勿久，口碑勿错个饭店，特色鲜明，价位适中。就餐环境也是决定性因素，色系、风格、调性侪勿好马虎。谈恋爱个则到新天地、外滩源、陆家嘴，吃西餐比较有腔调。搿几年，上海开了勿少法国、意大利、俄罗斯搭地中海风味个餐馆，里向个情调邪气适宜吃吃酒，谈谈情，眉目传情。账单是漂亮个，打包盒子也是漂亮个，拎勒手里向看勿出里向装个是半块牛排还是一块蛋糕，倒像是一盒进口化妆品。
有趟我搭朋友勒外头吃饭，餐余打包，服务员拿了三只塑料盒头舒齐个摆勒一只漂亮个纸袋袋里向。送客人出门个辰光，我忘记脱拿搿只袋袋了，走到半路浪再想起来，回转去拿，袋袋已经摆勒收银台浪了。服务员拿袋袋交拨我，又送了一小袋切片年糕，“呒没吃光个油酱毛蟹，转去加眼年糕炒炒会得更加好吃个。”
搿能介个饭店，下趟还会得去个。
作者：沈嘉禄
讲述：钱爱娟
丁迪蒙
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年儿童出版社
《实用沪语》复旦大学出版社
《上海话绕口令》少年儿童出版社
《上海方言词语使用手册》上海教育出版社
《上海话读成语故事》少年儿童出版社
《囡囡学童谣》少年儿童出版社
《囡囡学成语》少年儿童出版社
《海上风情》上海教育出版社
继续滑动看下一个轻触阅读原文
海上梦叠向上滑动看下一个
原标题：《适口而止、适可而止——上海人的饮食生活（下）》